Mi ta felis, aunque hopi cos mi mes no a kies


Asinaki drumi ariba flur, mi ta imagina mi bida si mi no tabata color scur...

Lo mi ta e mucha mas gusta den klas?

Lo mi cabey ta menos duro, crul of las?

Acaso si mi no tabata gordo, lo mi ta menos floho?

E cos ta, mi no sa...

Mi por keda imagina y puntra mi mes, "kico lo tabata mi destino aworaki si mi no a pishi mi paña den groep 3?"

Mi por keda imagina si mi lo haci cos robes si mi no tabata Chines?

Lo mi ta bibando na punda of otrabanda si mi no a nace na Hulanda?

E cos ta, mi no sa...

Mi por keda puntra y pensa, kico ta pasa si mi no bis'e despensa?

Lo mi a haya sota di mi mama?

Of lo mi ta un actris den un drama?

Pero locual cu si mi sa

Cu mi ta felis, aunque hopi cos mi mes no a kies.

Hopi biaha nos como ser humano ta culpa nos mes pa cosnan cu nos no tin echt un control ariba dje, manera unda nos a nace of di cual famia nos a bin. Tin demas errornan cu nos por a comete, cual ta haci nos ken nos ta.

Bida ta mucho cortico pa para pensa, "Si mi por a haci esaki atrobe of mihor, mi bida lo ta bayendo di tal tal manera."

Tur locual cu bo a haci te cu awor a ponebo unda bo ta para awor aki, lo mas importante ta pa bo sigui bay dilanti y crea un miho mayan pa bo mes.

Disclaimer: The views and opinions expressed in this blogpost are those of the author and do not necessarily reflect the official views of Phryme Magazine.